ST: Skelkandi at dómarar fáa fótin

ST: Skelkandi at dómarar fáa fótin
Hópuppsagnirnar av dómarum í Turkalandi boða ikki frá góðum, sigur leiðarin fyri mannarættindastovnin hjá ST
Túsundtals fólk mótmæla uttan fyri parlamentið í Turkalandi eftir miseydnaðu kvettroyndina fríggjadagin. ST mótmælir nú, at boð eru givin um at taka 2.745 dómarar og ákærar kring alt Turkaland
Mynd: AP  
 
19.07.2016 - 16:11

Dómarar, sum skulu taka avgerðir, eiga at sleppa at arbeiða uttan hóttanir av nøkrum slag, leggur leiðarin fyri mannarættindastovnin dent á, skrivar tíðindastovan Reuters.

Zeid Ra´ad al-Hussein mælir samstundis til, at umboð fyri ST, ella onkran annan stovn, fáa atgongd til fangahúsini, har fleiri túsund fólk nú sita.

Tað sama er galdandi fyri verjar hjá teimum fongslaðu og næstringar teirra. Turkiski forsætisráðharrin, Binali Yildrim, upplýsti í gjár, at tá vóru 7.543 fólk tikin og fongslað, eftir kvettroyndina fríggjakvøldið.

Millum tey fongslaðu vóru 6.000 hermenn, 100 løgreglufólk, 755 dómarar og ákærar og 650 sivilfólk. Boð eru givin um at taka 2.745 dómarar og ákærar kring alt Turkaland.

Er kopiera
Nýggjastu sendingar í ÚV
Nýggjastu sendingar í SV
Mikudag 13. august
Dagur og vika - teknmálstulkað
195526
Týsdag 12. august
Veðrið
195508
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397