Trump formelt valdur forsetavalevni

Tað var greitt á landsfundinum í gjárkvøldið, tá Trump fekk undirtøku frá 1237 valfólkum, sum er minstakrav. Men tað var væntandi, at Donald Trump fór at gerast forsetavalevni, tí eingin kappast ímóti honum longur.

Alment skal Donald Trump nú taka við tilnevndingini, og tað fer hann væntandi at gera seinasta dagin á landsfundinum, sum er í morgin. Men longu tá tað var greitt, at hann hevði fingið nóg mikið av valfólkum, takkaði hann fyri stuðulin.

Tað var formaðurin í republikanska flokkinum, Paul Ryan, sum eisini er formaður í Umboðsmannatinginum, sum alment boðaði frá, at Donald Trump verður forsetavalevni hjá flokkinum.

Donald Trump hevur undirtøku frá 1725 valfólkum í republikanska flokkinum.