Býur mest sum lagdur í oyði

Minst 18 fólk eru higartil funnin deyð eftir ein jarðskjálvta miðskeiðis í Italia í nátt. Jarðskjálvtin varð máldur til 6,2 á Richter-stiganum, upplýsa myndugleikarnir.

- Býurin er ikki longur her, sigur borgarstjórin í býnum Amatrice, ið er ein av harðast raktu býunum eftir jarðskjálvtan sambært BBC.

Trupult er hjá myndugleikunum at fáa fult yvirlit yvir støðuna í løtuni, tí nógv hús og bygningar eru rapað, og fólk liggja undir leivdunum.

Óvist hvussu nógv eru deyð

Talið á deyðum veksur støðugt eftir jarðskjálvtan. Í løtuni er ógreitt, hvussu nógv fólk eru deyð, siga myndugleikarnir.

Í løtuni eru eini 100 fólk ikki aftur í aftur komin eftir jarðskjálvtan í nátt sambært fyrstu fráboðanunum, skriva italsk bløð.

Jarðskjálvtin í Italia er tann ógvusligasti í landinum síðani 2009. Tá doyðu meira enn 300 fólk í jarðskjálvta.

​