Fleiri einnýtisíløt koma aftur

Flestu einnýtisíløt til øl, sodavatn og aðrar drykkir koma inn aftur har, tey eru keypt. Í fjør komu heili 91 prosent av einnýtisíløtunum innaftur.

Talan er um ein støðugan vøkstur hvørt ár frá 2007, tá fyrstu loyvini vórðu givin til at innflyta, framleiða og selja drykkir í einnýtisíløtum í Føroyum.

SÍ EISINI Pantskipan skal endurskoðast

Fyrsta árið, í 2007, komu bara ein triðingur, 33 prosent, av einnýtisíløtunum inn aftur. Í 2015 var tað talið næstan trífaldað upp í 91 prosent.

Sølan av einnýtisíløtum í Føroyum er eisini økt soleiðis, at hon nú er umleið níggju milliónir íløt um árið, sigur Umhvørvisstovan.