Stjórnarsamráðingar tiknar uppaftur

Teir eru Sjálvstæðisflokkurin, Viðreisn og Bjørt framtíð. Hesir flokkar hava minsta møguliga meiriluta í Altinginum, teir hava 32 altingsfólk.

Forsetin bað fríggjadagin fyri aðru ferð formannin í Sjálvstæðisflokkinum, Bjarna Benediktsson, royna at skipa stjórn.

Teir tríggir flokkarnir eru komnir nakað áleiðis. Millum annað hava teir tosað um fólkaatkvøðu um samráðingar við ES um limaskap. 

SÍ EISINI Stjórnarsamráðingar draga út

Ein partur av rættindunum at fiska skal seljast á uppboði fyri at tryggja, at marknaðurprísur fæst fyri fiskirættindi.

Samstundis hava Framsóknarflokkurin og tey Vinstru grønu tosað saman um møguleikan hjá teimum báðum flokkunum at skipa stjórn saman við Sjálvstæðisflokkinum.

Altingsval var 29. oktober. Tað plagdi ikki at taka so langa tíð at gera samgongu í Íslandi. Tá hendan vikan er komin í helvt, er hetta vorðin triðja longsta stjórnarkreppan í Íslandi.