Vilja hava USA upp í friðartingingar um Sýria

Russland og Turkaland vilja hava USA upp í friðartingingarnar í Sýria, sum byrja seinni í mánaðinum.

- USA verður boðið við, og tað hava vit eisini avtalað við Russland, segði turkiski uttanríkisráðharrin, Mevlut Cavesuglu, á eini altjóða ráðstevnu í Geneve í gjár, skrivar AFP.

Friðarsamráðingarnar skulu byrja 23. januar í høvuðsstaðnum í Kasakstan, Astana.

Í desember fingu Russland og Turkaland friðaravtalu í lag í Sýria, men USA var ikki uppi í tilgongdini um avtaluna.

Friðarligt í Sýria

Vápnahvíldin kom í gildi 30. desember, og hóast hon ikki verður hildin alla staðni í landinum, er yvirhøvur friðarligt í Sýria nú.

Turkiski uttanríkisráðharrin sigur, at tað ber ikki til at látast sum einki um tann leiklut, USA hevur, og tí eigur USA at koma upp í friðartingingarnar, sigur hann.

Endamálið við samráðingunum er at fáa eina politiska loysn fyri Sýria.