Barnafrádrátturin er broyttur

Barnafrádrátturin í landsskattinum fyri børn í aldrinum null til seks ár er nú 9.200 kr. um árið, og fyri børn í aldrinum sjey til seytjan ár er hann 6.500 kr.

Reglurnar eru eisini broyttar soleiðis, at frádrátturin nú bert verður latin foreldrum at børnum, sum hava fastan bústað í Føroyum, ella sum eru uttanlands í lestrarørindum og hava fulla skattskyldu í Føroyum. 

Í øllum øðrum førum verður barnafrádrátturin ikki latin longur, upplýsir Taks.

Foreldur kunnu ikki at býta frádráttin fyri eitt barn millum sín. Men eiga tey til dømis tvey børn, kann annað foreldrið fáa frádráttin fyri annað barnið og hitt foreldrið fyri hitt barnið.

Barnafrádrátturin í kommunuskattinum er framvegis hin sami fyri øll børn, sum búgva í somu kommunu. Minsti kommunali barnafrádrátturin er 4.000 kr. um árið, og hin hægsti er 10.000 kr.