Sonni Larsen skal venja U-21 landsliðið

Herfyri boðaði Kári Nielsen HSF frá, at hann ikki ynskti at halda fram sum venjari hjá føroyska U21 landsliðnum. HSF hevur nú kunngjørt venjaran. Tað verður danski Sonni Larsen, sum eisini er venjari hjá H71, ið tekur við starvinum.

Sonni Larsen, sum er 30 ár, er diplomvenjari frá donsku elituhondbóltsvenjaraútbúgvingini og harumframt kandidatur i ítróttarsálarfrøði og mannlívvirkisfrøði.

Hann skal saman við Inga Olsen standa á odda fyri U-21 landsliðnum, sum skal luttaka í HM-endaspælinum í Algeria í summar.

A-landsliðið hjá kvinnum

HSF hevur í dag eisini sett venjara til A-landsliðið hjá kvinnum. Tað verður bretin, Scott Harrington, sum eisini er venjari hjá Neistanum.

Scott Harrington, sum er 28 ár, er Bachelor í ítróttarvenjing og Master í Talentmenning og er nú í gongd við hægstu hondbóltsvenjaraútbúgvingina.

Sigrun Mikkelsen verður hjálparvenjari.