FBI-veteranur skal leiða kanning

Amerikanska løgmálaráðið hevur tilnevnt fyrrverandi FBI-ovastan, Robert Mueller, at standa á odda fyri eini kanning, um Russland royndi at ávirka amerikanska forsetavalið í fjør.

George W. Bush, forseti, tilnevndi Robert Mueller stjóra í FBI í 2001. Hann var í starvinum til 2013, tá James Comey gjørdist FBI-ovasti. Donald Trump, forseti, koyrdi Comey frá herfyri.

SÍ EISINI Trump givið FBI-stjóranum fótin

Síðani er komið undan kavi, at forsetin koyrdi Comey frá, tí hann vildi hava FBI-ovastan at steðga eini kanning av fyrrverandi ráðgevanum, Michael Flynn, sum er lagdur undir at hava havt tætt samband við Russland.

Flynn varð koyrdur frá í februar, tí hann duldi upplýsingar um, at hann hevði havt samrøður við russiska sendiharran í USA um amerikansku tiltøkini móti Russlandi.

Demokratarnir í kongressini fegnast um, at Robert Mueller er settur at kanna málið.

SÍ EISINI Trump steðgaði umstríddari kanning

- Hann er ein nógv virdur almennur tænastumaður, sigur demokratiski leiðarin í umboðsmannatinginum, Nancy Pelosi.

Kanningin, sum nú verður sett í verk, er at spilla tíðina burtur, sigur Donald Trump, forseti.

- Eg havi sagt tað so mangan. Ein kanning fer bara at váttað tað, sum eg longu veit, at einki samspæl var millum tey, sum skipaðu fyri mínum valstríði, og eina útlendska eind, sigur forsetin.