Byrjanaruppstillingin er klár

Í dag klokkan 17.00 spæla Føroyar og Lettland vinardyst í Spania.

Málverjin,Gunnar Nielsen, er darvaður av skaða í fótinum, og verður tí spardur í fyrra dystinum, soleiðis at hann skjótari kann koma fyri seg til seinna dystin, sum verður móti Liktinstein sunnudagin. 

Hetta merkir, at Teitur M. Gestsson byrjar í málinum, og spælir eftir ætlan fyrra hálvleik, áðrenn Trygvi Askham kemur inn at spæla seinna hálvleik.

Heimasíðan hjá FSF skrivar, at Føroyar í kvøld spæla við 4-4-2 skipan. Merkisvert er, at Brandur Olsen, sum hevur verið skaddur, aftur er á miðvøllinum

Hesir 11 byrja móti Lettlandi

Beinleiðis stroyming

Dysturin millum Føroyar og Lettland byrjar klokkan 17:00, og hann kann stroymast umvegis heimasíðuna, www.fsf.fo. Stroymingin byrjar kl. 16:45.