Sarkozy: Hetta er eitt satt helviti

Fyrrverandi franski forsetin, Nicolas Sarkozy sigur, at skuldsetingarnar um, at hann skal hava fingið pengar frá fyrrverandi libyska leiðaranum, Muammar Gaddafi til sítt valstríð, ger lívið til eitt "helviti".

- Eg eri skuldsettur uttan nøkur fysisk prógv, sigur Sarkozy sambært Le Figaro. 

Hann er skuldsettur fyri ólógliga fígging av valstríðnum í 2007, fyri svik við almennum lybiskum pengum og fyri passiva korruptión.

63-ára gamli Nicolas Sarkozy noktar seg sekan í øllum skuldsetingum. 

Hann sigur, at hetta er hevndarsøka úr Libya, tí hann tók avgerð um at senda fronsk stríðsflogfør at bumba í Libya, tá uppreistur var har í 2011, og sum endaði við, at Gaddafi varð dripin.

Le Fiagro almennakunnger í dag viðmerkingarnar, sum fyrrverandi forsetin bar fram í rættinum. 

Her verður Sarkozy endurgivin fyri at siga, at hann skilir, at skuldsetingarnar eru álvarsligar, men at talan er um bakbit, og at skuldsetingarnar hava gjørt lívið hjá sær til eitt "helviti" síðani mars 2011, tá tær av fyrstan tíð vóru bornar fram, - tá av Moammar Gaddafi sjálvum.