Smádrongur álopin við sýru í Bretlandi

Drongurin var staddur í eini handilsmiðstøð í Worcester í Bretlandi seinnapartin í gjár, og álopið var málrættað móti dronginum, skrivar bbc.com.

Drongurin varð fluttur á sjúkrahús við álvarsligum bruna-skaða í andliti og á øðrum arminum.

Ein 39 ára gamal maður úr Wolverhampton er handtikin í sambandi við hendingina, skrivar BBC.

- Hetta er skelkur fyri fólkið, sum býr í økinum, og vit skulu vissa tykkum um, at vit gera alt fyri at fáa fatur á teimum seku, segði Mark Travis, løgreglu-kommisserur. 

Hann er sannførdur um, at álopið er framt við vilja, og er ikki eitt óhapp. Orsøkin til álopið er ikki greið enn, sigur løgreglan.

Bretska løgreglan hevur almannakunngjørt upptøkur frá vakmyndatólum av trimum monnum, sum eru undir illgruna fyri at hava fram álopið. 

Løgreglan hevur eisini biðið íbúgvarnar í økinum um at hjálp at finna menninar.