Deyðiligt summar á Mont Blanc

Summarið 2018 hevur verið serliga deyðiligt fyri fjallaklintrarar á Mont Blanc. Í gjár vóru trý fólk funnin deyð. Tað upplýsir tíðindastovan AFP. 

Harvið heldur talið á deyðum á Mont Blanc á at vaksa. 

Mont Blanc liggur í alpunum og er 4.810 metrar høgt. Og sæð burtur frá Elbrus, sum liggur í Russlandi, er Mont Blanc hægsta fjallið í Evropa. 

Mett verður, at umleið 10 fólk missa lívið á Mont Blanc hvørt ár. Síðst í farna mánaði lótu fýra fólk lív. 

Og tilsamans eru í minsta lagi 15 fólk funnin deyð á Mont Blanc í ár.