Heimsins longsta brúgv letur upp

Brúgvin, sum er 55 kilometrar long, bindur Hongkong saman við Macao, og hon fer síðani inn á kinesiska meginlandið til býin Zhuhai.

Verkætlanin hevur kostað 130 milliardir krónur í okkara peningi.

Arbeiðið byrjaði í 2009, og eftir ætlan skuldi brúgvin verða liðug í 2016, men arbeiðið er seinkað fleiri ferðir.

Seks koyribreytir eru á brúnni, sum fer í ein undirsjóvartunnil og fýra eftirgjørdar oyggjar.

Brúgvin er styrkt við 42.000 tonsum av stáli, og hon skal kunna tola jarðskjálvtar, sum verða mátaðir til átta á Richter-stiganum.