Stríðið í Gaza heldur fram

BBC skrivar, at palestinar hava skotið meira enn 400 rakettir inn í Ísrael síðani í gjárskvøldið, og at ísraelsk stríðsflogfør hava bumbað hálvtannaðhundrað hernaðarlig mál í Gaza.

ST heitir á partarnar um at vísa hóvsemi.

Spenta støðan íkom, tá ísraelskar herdeildir, sum gjørdu eitt loyniligt átak í Gaza, blivu avdúkaðar sunnudagin. Ein ovasti í Hamas var ein av sjey stríðsmonnum, sum lótu lív í bardaga, og ein ísraelskur heryvirmaður, sum tók lut í loyniliga átakinum, doyði eisini.

Tað vóru annars ábendingar um linna í spentu støðuni, eftir at Egyptaland og ST royndu at fáa frið í lag á markinum til Gaza, har meira enn 200 palestinar eru dripnir síðani mars mánað. 

Ísraelski herurin er fyri ákoyringum fyri at hava brúka óneyðuga makt móti mótmælisfólki á markinum til Gaza, men verjir seg við, at teirra herfólk bara hava skotið við skørpum, tá tað hevur verið í sjálvverju, ella tá møgulig álopsfólk hava roynt at komið sær inn á ísraelskt øki.