Ph.d um trolaratøl

Skjølini, sum P/f Beta savnaði frá 1977 til 2006, skulu brúkast til eina ph.d verkætlan um føroyska fiskivinnusøgu á Fróðskaparsetrinum.

Verkætlanin varar tvey til trý ár og kostar 2,2 mió. kr.

Í ár er játtað ein millión.

Aksel V. Johannesen, løgmaður, hevur svarað spurningum frá Kára P. Højgaard, løgtingsmanni, um teldutøka fiskivinnusavnið hjá Beta files.

Aksel V. Johannesen umsat mentamálini, tá spurningarnir vórðu settir.

Kári P. Højgaard sigur, at neyvan nakrantíð hevur slíkur granskingarmøguleiki staðið føroyingum í boði, har øll
skjøl eru tøk viðvíkjandi rakstrinum hjá einum felag, sum hevði átta partrolarar í 30 ár.

Alt tilfarið er talgilt. Í tilfarinum eru øll troløki, tóv, troltímar og fiskur í hvørjum háli hjá kubatrolarunum sonevndu.

Fróðskaparsetrið fer í næstum at søkja eftir fólki at gera ph.d verkætlanina um Beta files.