FAS framvegis á hvíta listanum við skipum

Felagsskapurin hevur eisini ein gráan lista og ein svartan lista. Á hvíta listanum eru 41 lond, ella flaggstatir, 18 eru á gráa listanum og 14 lond eru á svarta listanum.

Føroyar eru sum flaggstatur á 39’inda plássi hjá Paris Mou.

Fyri at avgera plássið á listanum verður hugt eftir, hvussu ofta føroysk skip eru kannað og hildin aftur í havnastatseftirliti í Evropa seinastu trý árini. 

Eina ferð færri

Skip undir føroyskum flaggi vórðu eina ferð færri hildin eftir frá 2016 til 2018 samanborið við 2015 til 2017, ávikavist átta ferðir og níggju ferðir.

Tað hevur stóran týdning fyri marknaðarføringina hjá FAS, føroyska altjóða skipalistanum, at føroyska flaggið er á hvíta listanum, sigur Sjóvinnustýrið. 

Eitt skip undir føroyskum flaggi er higartil hildið aftur í 2019, sigur Sjóvinnustýrið.