- Tíðindi, mentan og ítróttur
Gitte fyri Trónd
Gitte fyri Trónd
Tróndur í Gøtu skal umvælast og liggur tí í eitt ár, skrivar Varðin á heimasíðuni. Størsta fiskiskip í Danmark leigað at fiska kvoturnar hjá honum
Tróndur í Gøtu skal hava nýtt gir og liggur í eitt ár
19.07.2019 - 13:23
Tróndur í Gøtu skal umvælast og liggur tí í eitt ár, skrivar Varðin á heimasíðuni. Girið hjá Tróndi í Gøtu brotnaði 16.apríl.
Tað vísti seg, at skipið skal hava nýtt gir. Slíkt gir er ikki á goymslu, men skal gerast til Trónd í Gøtu. Tróndur í Gøtu liggur tí væntandi í eitt ár.
Men uppsjóvarkvoturnar hjá skipinum fara tó ikki fyri skeytið. Tí Varðin hevur leigað onga minni enn Gitte Henning úr Skagen, sum bara er ársgomul.
Leiguavtalan hevur eisini forkeypsrætt, um P/f Varðin vil keypa Gitte Henning, skrivar Varðin á heimasíðuni. Gitte Henning kemur til Føroya um mánaðaskiftið august/september.
Er kopiera
Nýggjastu sendingar í ÚV
Nýggjastu sendingar í SV
