Grov mistøk í kanningararbeiðnum

Grov mistøk í kanningararbeiðnum
 
18.10.2019 - 18:22

Tvey ár eru liðin síðani maltesiski journalisturin, Dahpne Caruana Galizia, varð dripin av eini bilbumbu. Nú siga umboð fyri Evroparáðið, at løgreglukanningarnar fóru ikki rætt fram.

Daphne Caruana Galizia arbeiddi sum gravandi journalistur, og varð kend fyri at avdúka politiska korruptión.

Tríggir menn handtiknir

Eftir at hon varð myrd uttanfyri heim sítt 16. oktober 2017, vórðu tríggir menn handtiknir - undir illgruna fyri at hava ábyrgdina av bumbuspreingingini. Men illgruni er um, at onkur annar hevði bílagt drápið.

Pieter Omtzigt, tingmaður í niðurlendska parlamentinum, fekk í fjør vegna Europaráðið ábyrgdina av at hava eftirlit við kanningararbeiðnum. Í Evroparáðnum sita umboð fyri 42 lond.

Nú sigur Omtzigt, at hann er ikki tryggur við kanningarnar, tí myndugleikarnir í Malta kanska hava vrakað prógv, sum kundu havt víst slóð til teir, sum bíløgdu morðið.

Halda ikki lyftini

Løgreglufólkini gera kanska arbeiði til lýtar, men løgregludeildin sum heild og politikarar, sum hava ábyrgdina av hesum øki, halda ikki lyftið hjá forsætisráðharranum um, at hvør steinum skal vendast, sigur Pieter Omtzigt við bretska blaðið The Guardian.

Ein av gerningsmonnunum, sum illgruni er til, hevur tosað við løgregluna og vissaði um, at ein millummaður var. Og eitt av mistøkunum, sum Pieter Omtzigt hevur staðfest er, at løgreglan ikki gjørdi avtalu við mannin, sum tosaði við løgregluna.

Eg stúri fyri, at myndugleikarnir hava mist prógv, sum kundu beint løgregluna til tann, sum bílegði morðið. Eg stúri eisini fyri, at hvørki hesin maðurin, sakførari hansara ella nakar annar - írokna millummaðurin, hava fingið nóg góða verju, sigur Pieter Omtzigt við The Guardian.

Vísir á mistøk í kanningararbeiðnum

Omtzigt vísir eisini á mistøk í kanningararbeiðnum, millum annað hevur táverðandi stjóranum í Europol kært maltesisku løgregluna, tí hon ikki vildi samstarva við Europol í kanningararbeiðnum.

Eftirlitsarbeiðið hjá Omtzigt í sambandi við drápsmálið í Malta hevur fingið forsætisráðharan í Malta at finnast at Omtzigt, og eftir ráðum frá niðurlendsku fregnartænastuni, hevði Omtzigt sivilar lívverjar við sær, tá hann var í Malta. 

Hvørki løgreglan ella forsætisráðharrin í Malta vilja gera viðmerking, skrivar The Guardian.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584