Samherji hevur mutrað í 10 ár

13.11.2019 - 14:50
AktueltVinna
Samherji hevur mutrað í 10 ár
Íslendska reiðaríið, sum eisini eigur í einum føroyskum reiðaríi, hevur brúkt tíggjutals milliónir til at mutra seg fram at fiskikvotum í Namibia
Samherji, sum eigur umleið ein fjórðing í føroyska reiðarínum Framherji, hevur seinastu tíggju árini mutrað leiðandi politikarar og embætisfólk í Namibia fyri at fáa hendur á landsins virðismiklu fisk
Mynd: © Savnsmynd/RUV  
 

Íslendska reiðaríið Samherji hevur seinastu tíggju árini mutrað leiðandi politikarar og embætisfólk í Namibia fyri at fáa hendur á landsins virðismiklu fiskikvotum.

Tað hevur íslendska kringvarpið RÚV avdúkað saman við Al Jazeera og Stundin.

Eftir í fleiri mánaðir at hava granskað skjøl frá Wikileaks, eru journalistarnir komnir fram til, at Samherji hevur vunnið nógvan pening burtur úr namibisku kvotunum, og at reiðaríið hevur flutt profittin úr Namibia í eitt tiltikið skattskjól.

Lekin túsundtals skjøl

Samherji hevur sambært RÚV brúkt tíggjutals milliónir danskar krónur til at mutra seg fram at kvotunum í Namibia.

Lekin, sum Wikileaks fekk fram í ljósið, fevnir um túsundtals skjøl við samskifti hjá starvsfólkum í Samherja. 

Ein, sum er nevndur í skjølunum, er Johannes Stefansson. Hann hevur valt at stíga fram alment og siga sum er.

Varskógvari: Talan er um skipaðan kriminalitet

Hetta er brotsmannavirksemi. Hetta er skipaður kriminalitetur. Samherji fær vinning burturúr tilfeinginum í Namibia og tekur allan peningin úr landinum og ger íløgur aðrastaðni í USA ella Europa, sigur Johannes Stefansson við RÚV.

Hann játtar sjálvur at hava framt brotsverk í hesum sambandi fyri Samherja.

Eg breyt lógirnar til frama fyri Samherja, meðan eg arbeiddi har. Eg var maðurin, sum fekk kvoturnar og fekk sambondini í lag eftir boðum frá mínum leiðarum í Samherja, sigur Johannes Stefansson við RÚV.

Eiga umleið ein fjórðing í føroyskum reiðaríi

Í næstan tíggju ár hevur Samherji havt tríggjar verksmiðjutrolarar í Namibia, har teir hava fiskað rossamakrel. Samherji er eisini virkið í Føroyum sum partur av einum av størstu reiðaríunum her. 

Samherji eigur umleið ein fjórðing í føroyska reiðarínum Framherja í Fuglafirði og hevur millum annað rættin at fiska næstan ein triðing av føroysku kvotunum í Barentshavinum.

Harumframt hava skipini Fagraberg og Høgaberg eina ørgrynnu av øðrum fiskiloyvum í føroyskum sjógvi sambært almennu upplýsingunum á teyggjan.fo.

 
Nýggjastu sendingar í ÚV
Mikudag 12. august
Morgunlesturin mikudagurin 12. august 2020
112095
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin 11. august
112208
Týsdag 11. august
Góðan morgun Føroyar 11.08.2020
112186
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807