60.000 fólk flutt burtur eftir spreingingar

Tað var gjáramorgunin klokkan sjey okkara tíð, at eldur kyknaði í verksmiðjuni, sum reinsar ráolju, eftir eina spreinging, sum var.

Trý fólk komu til skaða undir fyrstu spreingingini. Síðani tá hevur eisini ein størri spreinging verið ímeðan sløkkiliðsfólk royndu at basa eldinum á verksmiðjuni.

Trygdarfrástøðan seks kilometrar

Myndugleikarnir fluttu í fyrsta umfari fólk, sum búgva nærri enn 800 metrar frá verksmiðjuni, burtur. Trygdarfrástøðan er síðani víðkað til seks kilometrar.

Fýra spreingingar hava verið á evnafrøðiverksmiðjuni, sum er nærhendis býnum Port Neches, tætt við markið til Louisiana.

Um trygdarfrástøðan verður víðkað, fer hon eisini at fevna um stórbýin Beaumont, har fleiri enn 100.000 fólk búgva. Hetta er fjórðu ferð í ár, at eldur er í einari verksmiðju í Texas, sum reinsar ráolju.