Nýggjur stjórnarleiðari í Russlandi

Vladirmir Putin, forseti, vísti á gjár á Mikhail Misjustin at taka við sum nýggjur forsætisráðharri í Russlandi, og nú hevur russiska tingið góðkent hann sum stjórnarleiðara.

53 ára gamli Mikhail Misjustin hevur starvast sum skattastjóri i Russlandi, og hann er lítið kendur í politiskum høpi.

Stjórnin hjá Dmitrij Medvedev legði frá sær í gjár. Medvdev verður nú limur í russiska trygdarráðnum, sum hevur stórt vald í landinum.

Broyta grundlógina

Tá hann helt sína árligu røðu í tinginum í gjár, mælti Vladimir Putin, forseti, til at hava fólkaatkvøðu um russisku grundlógina, sum skal styrkja leiklutin hjá tinginum.

Broytingin hevur m.a. við sær, at tingið kann velja forsætisráðharran og týdningarmiklar ráðharrar.

Í løtuni hevur forsetin einsamllur hesa heimildina.