Savningarforboð í Danmark stendur við

Danir skulu sostatt ikki gera sær stórvegis vónir um, hvørki at halda stórar føðingardagar ella eitt nú brúdleyp fyribils.

Forboðið um, at fleiri enn 10 fólk savnast, stendur við, og forboðið er nú longt til 8. juni, altso í ein mánað afturat, skrivar DR.

Tað kunngjørdi Mette Frederiksen, danski forsætisráðharrin, á tíðindafundi, sum stjórnin í Danmark helt í gjár.

Mærkið hækkað um ein mánað

Um ein mánað verður markið uppá 10 fólk hækkað upp í 30-50 fólk, tá stig 3 verður sett í verk, sigur danska stjórnin.

Hetta er kortini treytað av, at talið á smittaðum og innløgdum í Danmark ikki veksur meira enn myndugleikarnir hava roknað við.

Savningarforboðið í Danmark merkir, at løgreglan hevur heimild at geva fólki 2.500 krónur í bót, virða tey ikki boðini.