Fáa listafólkaløn í trý ár

Gunnvá Zachariasen fæst við sjónleik, Rakel Helmsdal skrivar bøkur og Silja Strøm fæst við myndlist. Faknevndir, tvey fólk vóru í hvørjari, grundgóvu fyri, at júst tær tríggjar skuldu fáa listafólkaløn.

22 umsóknir komu um listafólkaløn hesaferð. Endamálið við listafólkalønunum er at bøta um umstøðurnar hjá yrkislistafólkum.

Listafólkalønin er slakar 28.000 krónur um mánaðin. Lønartalvan hjá Lærarafelagnum er brúkt sum grundarlag.