Vænta at skuldin lækkar aftur næsta ár

Vænta at skuldin lækkar aftur næsta ár
Ratingfyritøkan, Moody's, væntar, at skuldin hjá landskassanum lækkar longu næsta ár, hóast skuldin veksur í ár
 
04.08.2020 - 07:49

Føroyar varðveita sítt kredittvirði hjá ratingfyritøkuni Moody´s. Tað er greitt, eftir at fyritøkan í juni hevði netfundir við landsstýrið, andstøðuna og landsbankan.

Í gjár gjørdi Moody´s greitt, at Føroyar varðveita sítt kredittvirði. Ratingin er Aa2 við støðugum útlitum.

Føroyar hava sostatt triðhægstu meting á ratingstiganum hjá Moody´s, sum hevur 21 stig. Onnur lond, sum hava sama kredittvirði sum Føroyar, eru Frakland og Bretland.

Vænta skuldin lækkar í 2021

Hóast skuldin hjá landskassan veksur í ár, í kjalarvørrinum av COVID-19, væntar Moody´s, at skuldin lækkar aftur longu næsta ár.

Landsstýrið tók í mai mánaði umleið tríggjar milliardir krónur í lán. Helvtin av upphæddini fór til at rinda aftur lán, sum fall til gjaldingar 11. juni.

Hin parturin, 1,6 milliardir krónur, skal nýtast at fíggja eitt væntað hall á fíggjarlógini í ár og næsta ár. Sostatt er lánsbrævaskuldin hjá landskassanum vaksin 1,6 milliardir krónur í ár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858