Fyrireika eina strategi fyri Arktis

Føroyar Grønland og Danmark fyrireika í løtuni eina nýggja menningarætlan ella strategi fyri Arktis. Nýggja ætlanin er galdandi fyri næstu tíggju árini. Tað sigur Steen Lynge, landsstýrislimur í landsstinginum. 

Ætlanin er eitt sindur seinkað orsakað av corona, men Steen Lynge vónar, at nýggja menningarætlanin verður liðug og almannakunngjørd í byrjanini av nýggja árinum, sigur hann við grønlendska miðilin KNR. 

Lágspenningsøki

Tað er umráðandi fyri limalondini, at Arktist verður varðveitt sum eitt lágspenningsøki. Málið í menningarætlanini er altjóða samstarv, varðveitsla av náttúruni, og upprunafólk skulu í hásæti í menningini av nýggju menningarætlanini.