Heldur fram í báðum størvum

Kristin Michelsen verður bæði løgtingsmaður og borgarstjóri. Býráðið á Tvøroyri viðgjørdi í gjárkvøldið eina umsókn frá Kristini Michelsen um tingsessin.

Umsóknin var sambært kommunustýrislógini, sum sigur, at borgarstjórar skulu ikki hava annað starv, arbeiða teir fulla tíð sum borgarstjóri.

Frávik kann gerast

Kommunustýrið kann tó loyva frávik, tá talan er um størv, sum eru beinleiðis fólkavald, so sum starv sum løgtingsfólk.

Og frávik var loyvt á býráðsfundi í gjárkvøldið. Felagslistin atkvøddi fyri. Og Javnaðarflokkurin atkvøddi ímóti.

Javnaðarflokkurin hevur fyrr samtykt á landsfundi, at eingin skal vera borgarstjóri og løgtingsfólk samstundis.