Lønarvøksturin lítil í 2020

Lønarvøksturin hjá tí almenna var lítil í fjør, hann var 4,7 prosent, 0,3 prosentstig minni enn í 2019. Men á privata arbeiðsmarknaðinum var eingin vøkstur í lønunum í fjør.

Í privatu tænastuvinnuni var eingin vøkstur. Hann var fimm prosent í 2019 og í 2018. Í byggivinnuni og tilvirkingarvinnunum var tó vøkstur, 5,4 prosent í 2020. 

Men hetta er nógv minni enn undanfarnu trý árini, tá var árligi lønarvøksturin millum 12 og 15 prosent. Í fiskivinnuni og tilfeingisvinnunum minkaðu lønargjaldingarnar 1,8 prosent í fjør. Tær vuksu 8,6 prosent í 2019.