Landsroknskapurin: Nógv eftir at fáa í rættlag

Sumt er komið í rætt lag, men nógv er eftir enn. Tað sigur Fíggjarnevndin í løgtinginum í áliti sínum um landsroknskapin.

Har sigur nevndin, at nøkur afturvendandi viðurskifti, sum løgtingsgrannskoðararnir hava víst á, eru komin í rættlag.

Tíðarfreistir ásetast

Nevndin heldur tó framvegis fast við, at løgmaður eigur at seta landsstýrisfólkunum tíðarfreistir fyri, nær írestandi viðurskifti skulu fáast í rættlag.

Fíggjarnevndin tekur undir við løgtingsgrannskoðarunum, sum átala harðliga nøkur viðurskifti í almennu fyrisitingini.  

Løgtingið skal eisini í dag viðgera uppskotið hjá Framsókn um at lata Apoteksverkinum níggju milliónir krónur til at keypa koronuvaksinur. Tingfundurin í dag er klokkan 11:00.