Øll manningarfeløgini sáttmála

Øll trý manningarfeløgini og Reiðarafelagið fyri handilsskip hava gjørt tvey ára sáttmálar, sum komu í gildi í gjár.

Sáttmálarnir hava sama karm sum aðrir sáttmálar á arbeiðsmarknaðinum. Lønin hækkar 2,05 prosent fyrra árið og 1,25 prosent seinna árið.

Reiðarafelagið fyri handilsskip hevur níggju sáttmálar við manningarfeløgini. Við hvørt felag er ein høvuðssáttmáli og tveir sersáttmálar fyri frálandaskip.