Rindaðu 100 mió. kr. meira í endurgjaldi í fjør

17.03.2021 - 15:43
Aktuelt
Rindaðu 100 mió. kr. meira í endurgjaldi í fjør
Hóast byrjanin var vánalig, endaði 2020 væl hjá Betri trygging, sum hevði 67 milliónir í avlopi eftir skatt
Betri trygging hevði 67 milliónir kr. í avlopi í fjør, sum var eitt rokmikið ár
 

Betri trygging rindaði 382 milliónir krónur í skaðaendurgjaldi í fjør, nærum 100 milliónir krónur meira enn árið fyri.

12.700 skaðar vóru í fjør, samanborið við 11.100 árið fyri.

Tryggingarinntøkurnar vuksu 26 milliónir kr., upp í 426 milliónir.

Úrslitið hjá Betri trygging í fjør var 67 milliónir krónur eftir skatt, tvær milliónir meira enn í 2019. 

Ingunn Eiriksdóttir, forstjóri í Betri trygging, sigur, at hóast nógvir trupulleikar vóru fyrst í 2020, endaði árið kortini væl.

Fingu ein hvøkk

- Byrjanin var hørð, og gav okkum ein hvøkk. Fyrst var ein ódn um mánaðarskiftið februar/mars, og síðani var undantaksstøða frá grækarismessu til mai, sigur Ingunn Eiriksdóttir, forstjóri í Betri trygging. 

Ferðaavlýsingar streymaðu inn, og í fjør læt Betri trygging 2033 ferða- og avlýsingarendurgjøld afturímóti 1453 árið fyri.

- Virksemið í landinum steðgaði nærum upp, og virðisbrøvini á fíggjarmarknaðinum fullu. Men út á summarið javnaði tað seg, og sum árið leið, vendi gongdin, sigur Ingunn Eiriksdóttir.

Talið á viðskiftafólkum vaks, vøruúrvalið varð broytt og víðkað, og tað hevði við sær, at inntøkurnar vuksu. Kostnaðurin at reka felagið minkaði, íløgurnar góvu yvirhøvur gott avkast, og um várið, tá Føroyar fóru niður í ferð, minkaði talið av skaðatilburðum ein fjórðing.

Ingunn Eiriksdóttir er forstjóri í Betri trygging

Er kopiera
Nýggjastu sendingar í ÚV
Týsdag 25. januar
Morgunlestur týsdagur 25.januar 2022
133936
Mánadag 24. januar
Við Tórði á túri í Svínoy (1:2)
134512
Mánadag 24. januar
Nón 24. januar 2022
134509
Mánadag 24. januar
Norðurljóð 24.januar 2022
134388
Mánadag 24. januar
Gjógvin fer vónandi at minka
134501
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249