Isaac Herzog nýggjur forseti í Ísrael

Isaac Herzog úr arbeiðaraflokkinum er valdur til nýggjan forseta í Ísrael. 

Tað skrivar AFP.

Hann tekur við eftir Reuven Rivlin.

Valið stóð millum Isaac Herzog og læraran, Miriam Peretz. Hevði Peretz vunnið, hevði hon verið fyrsti kvinnuligi forseti í Ísrael.

Tikin í eið 9. juli

Nýggi forsetin verður tikin í eið 9. juli.

Herzog hevur sitið í tjóðartinginum síðani 2003, og var ráðharri 2005 til 2011, m.a. í stjórnini hjá Benjamin Netanyahu, forsætisráðharra.

Isaac Herzog er fyrsti forseti í landinum, hvørs pápi eisini hevur verið forseti. 

Pápi hansara, Chaim Herzog, var forseti frá 1983 til 1993.

Miriam Peretz

Miriam Peretz stillaði eisini upp til forsetavalið í Ísrael, men hon tapti.