Kærustovnurin verður umskipaður til ein sjálvstøðugan stovn

Løgtingið hevur samtykt at umskipa Kærustovnin. 

Farið verður frá, at allar kærur skulu leggjast fyri nevndir. 

Í staðin verður Kærustovnurin sjálvstøðugur stovnur, sum viðger og tekur avgerðir um kærur, tó við møguleika fyri at knýta fólk við serkunnleika at kærumálum, har tørvur er á tí.

Tríggir løgfrøðingar í hvørjari avgerð

Í dag virkar Kærustovnurin, sum kom í 1998, sum fyrisiting og skrivstova hjá tólv kærunevndum. 

Hesar nevndirnar verða lagdar niður næstu tvey árini.

Meginreglan er, at tríggir løgfrøðingar vera við í hvørjari avgerð.