MYNDIR: Fótbóltsfepur í skúlunum í Runavík

Klæmint Andrasson Olsen, NSÍ-liðskiparin og húsavørður í Runavíkar kommunuskúla, gekk á odda og handaði skúlabørnunum fløgg, tá hitað varð upp til steypafinaluna í skúlunum í Runavík í dag. 

Fótbóltsfepur í Runavík

Nakrir av NSÍ-leikarunum luttóku saman við oddafólkunum í fjepparafelagnum Guliganz. 

Fótbóltsfepur í Runavík

Tað er ikki á hvørjum ári, at NSÍ spælir seg í steypafinaluna, so tað er væl skilligt, at fólk gleða seg. 

NSÍ var seinast í steypafinaluni í 2017, tá liðið vann 1-0 móti júst B36. 

Fótbóltsfepur í Runavík

Liðið var eisini í finaluni í 2015, tá NSÍ tapti greitt móti Víkingi. Hetta var fyrsta finaluluttøka hjá NSÍ í 11 ár.  

Í 2002 vann NSÍ steypafinaluna móti HB á Tórsvølli á ólavsøku. 

Men í 2004 mátti felagið lúta fyri HB. 

Fótbóltsfepur í Runavík

Annars skulu vit aftur til 1985, tá NSÍ fyrstu ferð spældi seg í steypafinaluna. Tá tapti liðið móti 2-4 móti GÍ.

Fótbóltsfepur í Runavík

Árið eftir, í 1986, vann NSÍ seg aftur í eina steypafinalu, og tá bragdaði hjá felagnum, sum vann 2-1 móti LÍF. 

Fótbóltsfepur í Runavík