Kasakstan: USA ávarar Russland ímóti at leggja uppí

USA ávarar Russland ímóti at leggja upp í stríðið í Kasakstan, sum landið longu hevur gjørt. Heimurin fylgir gongdini neyvt, stendur í boðum frá amerikanska uttanríkisráðnum, skrivar Reuters.

- USA og allur heimurin fylgja neyvt við, um mannarættindini í Kasakstan verða brotin, sigur talsmaðurin fyri Pentagon, Ned Price.

Amerikanarar ávara ímóti, at russiskir hermenn fáa til uppgávu at hava eftirlit við almennum stovnum í Kasakstan, sum er fyrrverandi sovjettiskt lýðveldi.

Forsetin í Kasakstan bað um hjálp til at basa ófriðinum, sum hevur verið í landinum seinastu dagarnar, og fyrrapartin í gjár sendi Russland hermenn inn í landið.

2.000 fólk tikin

Fleiri mótmælisfólk lógu eftirá í ófriðinum í størsta býnum í Kasakstan í gjár, Almatyu, og minst 2.000 vóru tikin, upplýsa myndugleikarnir fyri russisku tíðindastovuni, Tass.

Forsetin í Kasakstan, Kassym-Jomart Tokajev, sigur í morgun, at nú er friður aftur í landinum. Trygdardeildirnar arbeiða av øllum alvi at fáa øll viðurskifti í rættlag, og tær halda fram, til øll uppreisturin er bardur niður.

Samstundis verður boðað frá, at 26 brotsfólk lógu eftirá í gjár.