Seta tiltøk í verk móti fimm russiskum bankum

Bretski forsætisráðharrin, Boris Johnson, sigur, at Bretland fer at seta tiltøk í verk móti fimm russiskum bankum. 

Bretland fer eisini at steingja russiskar ognir, millum annað hjá oligarkinum, Gennady Timchenko, skrivar Reuters.

- Í dag setur Bretland tiltøk í verk móti hesum bankum: Rossiya, IS Bank, General Bank, Promsvyaz-bank og Black Sea Bank, og vit seta eisini tiltøk í verk móti stóra ríkidøminum hjá trimum fólkum, sigur Boris Johnson.

Bretska uttanríkisráðið hevur seinnapartin eisini boðsent bretska sendiharranum í Russlandi um at koma heim.

- Vit eru til reiðar at senda Nato fleiri bretskar deildir, um tørvur er á tí, sigur Johnson við Reuters.