Donsk lóg um flóttafólk verður eisini galdandi í Føroyum

Landsstýrið hevur boðað donsku stjórnini frá, at Føroyar vera við, tá danir samtykkja eina nýggja lóggávu um nakrar dagar, sum ger tað lætt og ómakaleyst hjá flóttafólki í Ukraina at fáa uppihald i Danmark - og í Føroyum. 

Magnus Rasmussen, landsstýrismaður, varðar av spurninginum um flóttafólk, og í landsstýrinum hava tey arbeitt av øllum alvi at tryggja, at alt er til reiðar at taka ímóti flóttafólkum:

Danska lógin er ein serlóg, sum skal geva ukrainskum flóttafólkum møguleika at fáa uppihaldsloyvi, arbeiðsloyvi og bústað beinan vegin, tey koma til landið. Børnini skulu í skúla og fáa okkurt, sum minnir um ein vanilgan gerandisdag alt fyri, sigur danski ráðharrin í útlendingamálum. 

Og hendan lógin skal eisini galda fyri Føroyar, sigur Magnus Rasmussen. Hann væntar, at um heilt stutta tíð koma fyrstu flóttafólkini til Føroya: