Ráðstevna um politikk í Norðuratlantshavi

Hósdagin í næstu viku skipar Fróðskaparsetrið saman við danska verjuakademinum og danska uttanríkisráðnum fyri ráðstevnuni við spurninginum "Friður í okkara tíð?"

Ráðstevnan verður í Kongshøll í Sjóvinnuhúsinum, og er um trygd og altjóða politikk í Norðuratlantshavi og Arktis nú og í framtíðini.

Spurt verður millum annað, hvørjar avleiðingarnar eru av øktum hernaðarligum virksemi í Norðuratlantshavi og Arktis. Og hvussu kríggið í Ukreina ávirkar arktiska økið?

Diplomatar og altjóða serfrøðingar úr Norðurlondum og Bretlandi hava framløgu og kjakast um trygdarpolitisku og uttanríkispolitisku avbjóðingarnar, sum eyðkenna Norðuratlantshavið og Arktis.

Umboð úr Íslandi, Føroyum, Grønlandi, Danmark, Finlandi og Bretlandi vera á ráðstevnuni, sum verður á enskum máli.