Norski útflutningurin av fiskavørum setti met í apríl

Fyrstu fýra mánaðirnar í ár, útflutti Noregfiskavørur fyri 45,4 milliardir kr., sum var ein fjórðapart meir enn í fjør.

Í apríl setti útflutningurin av fiskavørum met. Útflutt var fyri 11,3 milliardir kr., sum var ein triðing meir enn í apríl í fjør, skrivar NTB.

- Hægri prísir á mest tíðandi fiskasløgunum, laksi, sílum, toski og hýsu, var høvuðsorsøkin til økta útflutningin.

Laksaaling, Norra, Noreg

Frítekst tagging: 

Laksaaling

Noreg

Norra

Matvøruprísir eru hækkaðir

Ein orsøk er eisini, at matvøruprísir, sum heild, hækka kring heimin í løtuni, og tað ávirkar eisini prísin á norskum fiskavørum.

Og at korona nú mestsum er av, og matstovur og gistingarhús lata upp aftur, hevur eisini týdning fyri útflutningin.

Laksur er størsta útflutningsvøran, tá talan er um fisk. Í apríl útfluttu norðmenn 82.500 tons av laksi fyri 8,1 milliardir kr.. Virðið vaks 2,4 milliardir kr., í mun til apríl í fjør, hóast nøgdin minkaði við trimum prosentum.

Pólland, Frakland og Danmark keyptu mest av laksi úr Noreg í apríl.