Kvinnuligir sjónvarpsvertir í Afganistan skulu hylja andlitið

Kvinnuligir sjónvarpsvertir í Afganistan skulu nú hylja ein part av andlitinum, tá tær lesa tíðindi, skrivar AP.

Fyri trimum døgum síðani boðaðu afgansku myndugleikarnir frá, at kvinnuligir sjónvarpsvertir skulu hylja andlitið upp til eyguni, á sama hátt sum aðrar kvinnur í landinum.

Afganskar sjónvarpsstøðir vóru misnøgdar við avgerðina, men nú hava flestu kvinnuligu sjónvarpsvertirnir tikið boðini til eftirtektar, skriva altjóða miðlar.

- Vit gjørdu mótstøðu og vóru ímóti vera í masku skíggjanum, sigur Sonia Niazi, sum er vertur á sjónvarpsstøðini ,TOLOnews.

Men TOLOnews gjørdi greitt, at allar kvinnur, sum noktaðu at fara á skíggjan við ongum sløri ella hijab, vóru tiknar av skíggjanum, og í ringasta føri kundu tær vænta at missa starvið.

Sí videomyndir frá AP-tíðindastovuni her: