Pólski forsetin hartar Frakland og Týskland

Pólski forsetin, Andrzej Duda, sigur, at samskiftið, sum ríkisleiðararnir og stjórnarleiðararnar í Fraklandi og Týsklandi royna at hava við russiska forsetan, Vladimir Putin, legitimerar hann.

- Eg eri ovfarin av øllum samrøðunum sum teir hava við Putin. Teir fáa einki burturúr, sigur Duda í samrøðu við týska blaðið Bild.

Sambært Duda, er tað at tosa við Putin "eitt slag av legitimering av einum fólki, sum hevur ábyrgd av krígsbrotsverkum, sum russiski herurin hevur framt í Ukraina".

Putin hevur ábyrgdina

Putin hevur einsamallur ábyrgdina av, at russiski herurin gjørdi innrás í Ukraina, sjálvt um herleiðarar tóku undir við innrásini, sigur Duda. 

Hann samanber støðuna við seinna heimsbardaga.

- Tosaði nakar við Adolf Hitler, eins og nú, undir seinna heimsbardaga? Segði nakar, at hann skuldi hava uppreisn? At hetta skuldi gerast, so at Adolf Hitler ikki kendi seg eyðmýktan, spurdi Duda, og sipaði til, at ávísir ríkisleiðarar í Vesturheiminum,  m.a. Macron, hava sagt, at tað hevur týdning at geva Putin eina slóð út úr krígnum, sum ikki eyðmýkir hann.