KÍ skal spæla ímóti norska meistaraliðnum

KÍ skal spæla ímóti Bodø/Glimt í 1. umfari av meistarakappingini hjá UEFA.

Tað er greitt eftir lutakastið, sum var fyri løtu síðan. 

Hetta má metast at vera eitt trupult lutakast fyri føroyska meistaran, sum helst hevði ynskt sær The New Saints úr Wales ella Zalgiris úr Litava.

Bodø/Glimt hevur vunnið norska meistaraheitið tvey ár á rað, og í fjør rakk felagið fjórðingsfinaluna í Conference League, har Roma varð ein ov stórur biti at gloypa.

KÍ spælir fyrra dystin ímóti Bodø/Glimt á útivølli antin 5. ella 6. juli, og returdystin á heimavølli antin 12. ella 13. juli.

Sí lutakastið niðanfyri