Hava lagt hald á 27 kilo av hassji í ár

14.07.2022 - 11:36
Aktuelt112
Hava lagt hald á 27 kilo av hassji í ár
Nøgdirnar í ár eru munandi størri enn undanfarin ár, sigur Heri Andreasen, leiðari á kanningardeildini hjá politinum.
Heri Andreasen er kanningarleiðari hjá løgregluni.
Mynd: KVF  
 

Bara hesa seinastu vikuna hevur løgreglan steðgað 12 kiloum av hassji í at koma til Føroya, og tað er nærum tað sama, sum varð lagt hald á í fjør.

Sambært Hera Andreasen, leiðari á kanningardeildini hjá løgregluni, er hetta óvanliga nógv, og harumframt eru nøgdirnar í ár munandi størri enn undanfarin ár. 

Samanlagt hevur løgreglan lagt hald á 27 kilo í ár. Í fjør var lagt hald á góð 16 kilo.

Og tað er ein størri eftirspurningur eftir hassji nú, sigur Heri Andreasen. Serliga tá ymisk summartiltøk standa fyri framman.

- Summarið, festivalar, ólavsøka og ymisk tiltøk, sum savna nógv fólk, gera tað, at eftirspurningurin eftir rúsevnum og kanska serliga hassji verður størri, sigur Heri Andreasen. 

Fríggjadagin legði politiið í Hirtshals hald á 8 kilo av hassji, sum skuldu við Norrønu til Føroya. Tá hesi vóru tikin í Danmark, telja tey ikki við í teimum 27 kilounum, sum politiið og tollvaldið higartil hava funnið í ár.

Týsdagin var ein maður tikin við tveimum kiloum av hassji á flogvøllinum, og sunnukvøldið royndu fólk eisini at smugla tvey kilo av hassji í land av Norrønu.

- Tað er eitt nýtt rák, at nøgdirnar til Føroya eru somikið stórar, sigur leiðarin á kanningardeildini.

Er kopiera
Nýggjastu sendingar í ÚV
Mánadag 30. januar
Norðurljóð 30.januar 2023
151670
Mánadag 30. januar
Góðan morgun Føroyar 30.01.2023
151664
Mánadag 30. januar
Morgunlestur mánadagur 30. januar 2023
151579
Nýggjastu sendingar í SV
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430