- Tíðindi, mentan og ítróttur
14.000 fólk rýmd undan stórum skógareldi í Fraklandi
14.000 fólk rýmd undan stórum skógareldi í Fraklandi
Higartil eru meira enn 14.000 fólk rýmd heimanífrá ella eru biðin um at fara úr summarhúsum í økinum við Bordeaux, skrivar Ritzau.
Skógareldar herja í Fraklandi, og túsundtals fólk eru flýdd undan teimum
Mynd: Ritzau / Scanpix
18.07.2022 - 07:16
Fronsku myndugleikararnir hava flutt burtur meira enn 14.000 fólk undan stórum skógareldi nærhendis Bordeaux á vesturstrondini.
Samstundis hækkar hitin framvegis har suðuri í Evropa.
Higartil eru meira enn 14.000 fólk rýmd heimanífrá ella eru biðin um at fara úr summarhúsum í økinum við Bordeaux, skrivar Ritzau.
Fleiri lond rakt av skógareldum
Skógareldurin hevur oyðilagt 105 ferkilometrar, ið svarar til ein trettanda part av støddini á Føroyum.
Sløkkiliðsfólk hava síðani týsdagin roynt at fáa tamarhald á skógareldinum á fronsku vesturstrondini.
Grannalondini hjá Fraklandi eru eisini rakt av nógvum hita og skógareldum, og umhvørvisverndarfólk geva veðurlagsbroytingunum skyldina, eftir at hitin um dagarnar fleiri staðni fór upp um 40 stig.
Fleiri deyð í Spania og Portugal
Sambært lokalum miðlum eru fleiri hundrað fólk deyð í Spania og Portugal í nógva hitanum og skógareldunum, ið hava elvt til ruðuleika fleiri staðni.
Bara í Spania vóru í gjárkvøldið 30 skógareldar.
Eisini í Italia, Grikkalandi og Marokko stríðast sløkkiliðsfólk við at basa skógareldum, samstundis sum boðað eisini verður frá nógvum hita í Bretlandi.
Er kopiera
Nýggjastu sendingar í ÚV
Nýggjastu sendingar í SV
