Heimurin syrgir Oliviu Newton-John

Í Los Angelse hava fjepparar í dag lagt blómur við stjørnuna hjá Oliviu Newton-John, ið andaðist í heimi sínum í Suðurkalifornia í gjárkvøldið. 

Olivia Newton John

Eisini aðrar Hollywood-stjørnur hava í dag víst sína samkenslu og sent Oliviu Newton-John eina síðstu kvøðu. 

John Travolta, sum spældi saman við Oliviu Newton-John í filminum "Grease", hevur lagt eina kenslubornar kvøðu til avstralska starvsfelagan og vinkonuna út á Instagram-vangan hjá sær. 

"Allarbesta Olivia, tú ríkaði lív okkara, og eg elski teg so nógv," skrivar John Travolta millum annað. 

 

 

 

 

View this post on Instagram

 

 

 

 

 

 

 

 

 

 

 

A post shared by John Travolta (@johntravolta)

Eisini heimskendi sjónvarpsverturin Oprah Winfrey hevur skrivað Oliviu Newton-John eina kvøðu á sínum Twitter-vanga. 

Olivia Newton-John 🕊 pic.twitter.com/5z5uGFpZj1

— Oprah Winfrey (@Oprah) August 8, 2022

Sharon Osbourne, ið er kona heimskenda tungmálmssangaran Ozzy Osbourne, heiðrar eisini minnið eftir Oliviu Newton-John og framhevjar hennara arbeiði fyri bróstkrabba.

Rest In Peace #OliviaNewtonJohn Ozzy and I loved her so much. She was a hero, teen idol and the work she has done for breast cancer is immeasurable 🕊 pic.twitter.com/SqEFaOLqBg

— Sharon Osbourne (@MrsSOsbourne) August 8, 2022

Olivia Newton-John bleiv serliga kend fyri sín leiklut sum Sandy í musikalfilminum "Grease" frá 1978, ið bleiv sera væl dámdur um allan heimin og var tann filmurin, sum seldi flest biografatgongumerkir kring heimin tað árið. 

Í "Grease" syngur Newton-John millum annað "Hopelessly Devoted To You", sum hon bleiv tilnevnd til eina Grammy fyri, og ikki minst duettirnar "Summer Nights" og "You’re The One That I Want" saman við John Travolta.

Í 1980 spældi hon við í filminum "Xanadu", umframt at hon eisini sang heitissangin. "Xanadu" náddi upp á ovastu tindarnar í fleiri londum, eitt nú í Stórabretlandi.

Í 1981 útgav Olivia Newton-John eisini hittið "Physical', sum lá nummar eitt á Billboard Hot 100-listanum í tíggju vikur.