Grønlendskur landsstýrismaður vann atkvøðugreiðslu um misálit

Grønlendski landsstýrismaðurin í útbúgvingarmálum, Peter Olsen, hóraði undan, tá andstøðan í gjár legði fram eitt misálit á hann. 

Andstøðan reisti misálitið, eftir at grannskoðanarnevndin hevur funnist hvassliga at, at játtanin til eitt nýtt kampusøki, Campus Kujalleq í Qaqortoq, ikki er hildin.

Sambært nevndini eru fleiri milliónir krónur meira brúktar seinastu tvey árini, enn landstingið  hevur játtað. 

Tað vóru andstøðuflokkarnir, Demokraatit, Atassut og Naleraq, sum reistu misálitið, tí eftir teirra tykki hevur Peter Olsen hevur ábyrgdina fyri, at játtanin ikki er hildin. 

Tey níggju umboðini hjá andstøðuni atkvøddu fyri misálitinum, meðan tey 21 samgonguumboðini hjá Siumut og Inuit Ataqatigiit atkvøddu ímóti.

Sostatt fall uppskotið um misálit.