Ráðharri finst at matvøruhandlum fyri at hækka prísin

Norski landbúnaðar- og vinnumálaráðharrin, Jan Christan Vestre, finst at stóru matvøruhandilsketunum, sum hava boðað frá, at prísirnir á matvøru hækka eina tíð aftrat.

- Tað er ófrættakent, at handlar gjøgnum miðlarnar ávara um prísvøkstur og broytingar, áðrenn tær eru veruleiki, sigur hann.

Vinnumálaráðharrin heldur, at tað kann vera skaðiligt fyri kappingarførið, at handlar kunna hvønn annan um prísvøkstur á henda hátt.

- Hetta kann vera á markinum til ólógligt samstarv um prís, sigur Vestre eftir fund við umboð fyri matvøruhandlar í dag.

Jan Christian Vestre

Jan Christian Vestre er vinnumálaráðharri í Noregi.

Nýggj tiltøk

Eftir fundin boðaði Vestre frá trimum nýggjum tiltøkum fyri at tálma prísvøkstrinum.

Stjórnin fer m.a. at mæla Kappingarstýrinum til at kanna, um matvøruhandilsvinnan hevur havt ólógligt samstarv um prísir.

Hann hevur greiða áheitan á matvøruhandilsvinnuna:

- Hækkið ikki prísin 50 oyru meira enn neyðugt, sigur Jan Christian Vestre, vinnumálaráðharri í Noregi.