Borgarar í Nes kommunu fáa nú fipursamband

Heimasíðan hjá Nes kommununi skrivar, at arbeiðið at leggja fipursamband inn til hvørt húsarhald í Føroyum tekur dik á seg.

Í næstum fer NET at leggja fipurkaðlar inn til hvørt húsarhald í kommununi.

Fipur, Fipurnet, Fipurkaðal

Fipur er nútímans tøkni, sum gevur skjótt og álítandi breiðband gjøgnum ljósleiðarafiprar á stødd við menniskjahár.

Fipurkaðalin er fáar millimetrar í tjúgd og liggur vardur í sterkari rørleiðing, sum er átta millimetrar í tvørmáti, og sum verður løgd inn til hvørt hús.

Fipur, Fipurnet, Fipurkaðal

Bæði rørleiðing og fipurkaðal verða løgd í jørðina, og arbeiðið krevur, at veitir verða grivnar og fresaðar í vegir, tún og onnur øki, samstundis sum fipurútgerð skal setast upp í hvørjum húsarhaldi, skrivar Nes.fo.