610.000 tons av feskfiski vórðu landað í fjør

Í fjør fóru 610.525 tons av fiski gjøgnum avreiðingarskipanina í Føroyum.

Hetta eru 26.000 tons meira enn í 2021, men 8.000 tons minni enn í 2020.

Men prísurin var betri í fjør enn í 2020.

Tí hóast tonsini vóru fleiri í 2020, var virðið nógv minni. Tað var fýra milliardir og góðar 324 milliónir í fjør.

fiskur, fiskalandingar, avreiðingar

(Mynd: Bjarni Árting Rubeksen)

Avreiðingarvirðið í 2020 var tríggjar milliardir og slakar 80 milliónir.

Í 2021 var fiskur avreiddur fyri tríggjar milliardir og góðar 430 milliónir krónur. 

Feskfiskur, tó ikki svartkjaftur, fer um avreiðingarskipanina. 

Avreiðingarnar eru landað vekt, ikki verður lagt upp fyri, at nakað verður avhøvdað, annað kruvt og uppaftur annað bara ísað runt ella ósløgt.