Tíðindamaður í Ukraina: Fólk hava nóg mikið við at halda seg á lívi

Johan Frederiksson, uttanríkiskorrespondentur hjá svensku sjónvarpsrásini TV4, er staddur beint við hermótið ársdagin fyri russisku innrásina

Nú eitt ár er liðið, síðani Russland gjørdi innrás í Ukraina, hevur Johan Fredriksson fleiri ferðir verið á hermótinum í Eysturukraina og fylgt ukrainskum herdeildum.

Tróndur Olsen

24.02.2023 - 12:59

- Støðan á hermótinum í Eysturukraina er trupul, og herfólkini eru undir hørðum trýsti.

Tað sigur Johan Fredriksson, uttanríkiskorrespondentur fyri svensku sjónvarpsrásina TV4.

- Nú eitt ár er farið, síðani kríggið brast á, er hýrurin ógvuliga ringur millum fólk, hóast tey seta sína vón til stuðul úr vesturheiminum, sigur tíðindamaðurin, sum í dag er staddur beint við hermótið:

24022023_Johan_1

Johan Frederiksson

Johan Fredriksson er uttanríkiskorrespondentur fyri sjónvarpsrásina TV4 í Svøríki. Hann var millum annað í Føroyum eftir stóra springaradrápið á Skálafirði.

Nærindis hermótinum í Eysturukraina verður lítið gjørt burtur úr ársdegnum fyri innrásini, sigur Johan Fredriksson.

- Her hava fólk nóg mikið við at halda seg á lívi. Men stóru álopini, sum tosað hevur verið um, hava ikki verið. Ikki enn í øllum førum, sigur svenski uttanríkiskorrespondenturin:

24022023_Johan_2